Првиот Македонски Агрегатор за Поткасти!

Со големо задоволство ви го најавуваме официјалното лансирање на Podcasts.mk, првиот агрегатор за поткасти направен специјално за македонската публика и креатори. Со оваа платформа, целиме да ги собереме сите македонски креатори на едно место, олеснувајќи им на слушателите да откриваат и поддржат домашно творештво.

Во последните шест месеци, нашиот тим напорно работеше на развојот на првата верзија на Podcasts.mk. Ние сме посветени на создавањето на заедница каде што креаторите лесно може да се најдат, да бидат чуени и поддржани од својата публика.

Што ново ќе нуди Podcasts.mk во следниот период?

• Кориснички профили: Создадете свој профил, зачувајте ги вашите омилени поткасти, следете кои епизоди сте ги слушнале и рангирајте ги според вашите преференци. Исто така, ќе добивате известувања за нови епизоди и актуелности од вашите омилени креатори.

• Директна поддршка за креатори: Поддржете ги вашите омилени креатори директно преку македонски платежни процесори, овозможувајќи транспарентна и ефикасна поддршка без проблемите што ги носи ПејПел и сличните услуги.

• Автоматски транскрипти: До крајот на годинава, планираме да воведеме функционалност за генерирање на автоматски транскрипти за секоја епизода, со цел да ја подобриме пристапноста и искуството на корисниците.

Приклучете се кон нашата заедница!

Слушајте ги најдобрите македонски поткасти денес. Откријте нови приказни, научете нешто ново и поддржете ја македонската креативна заедница. Нашата мисија е да ги поврземе слушателите со македонските креатори како никогаш порано.

За повеќе информации, слободно користете ја контакт формата на следниот линк.

Доколку недостасува вашиот поткаст, пратете барање за агрегирање на следниот линк.

Останати објави